講到秋天嘅風景，必定要數橙紅嘅楓葉，好似要係凋零之前火熱地燃燒一樣。日本向來係港人愛到嘅賞楓目的地，不過為咗避開人潮，唔少人近年中意去韓國、台灣等地賞楓，浪漫秋意一樣不遑多讓。以下細數10個日韓台賞楓熱點，一齊進入秋季嘅童話世界。

日本

五稜郭公園

北海道作為全日本最早出現紅葉嘅地區，最早係9月中開始到11月頭都有機會睇到紅葉！其中入選「日本100名城」嘅五稜郭公園，四季都有唔同嘅景色：春天化為櫻粉色，夏天一片翠綠，冬天被雪妝點得一片雪白，而係秋天就化身為一粒橙紅色嘅星星，非常壯觀。

白川鄉

白川鄉合掌村屬於世界遺產，300年前居民將木屋屋頂設計成60度斜角，抵擋寒風外仲可以承載厚重積雪。秋天嘅白川鄉另有一番風味，大概係10月中至11月頭可以同時睇到綠林、紅葉同白雪！紅葉由山頂一直蔓延到村落，火紅嘅紅葉林配上童話小屋合掌造，夢幻感覺絕對不輸冬日嘅白川鄉點燈！

河口湖

去日本睇紅葉，絕對唔可以錯過山梨縣嘅河口湖，因為呢度有一條超級夢幻嘅紅葉回廊！每年11月都會舉辦富士河口湖紅葉祭，當紅葉開始飄落，形成一條長長嘅紅葉地毯，放眼只見一片橙紅色，吸引無數遊客係度打卡。夜晚仲會有點燈活動，可以欣賞夜楓係華燈嘅照耀之下，變得更加鮮豔迷人。當然唔少得睇埋日本一大名山，欣賞紅葉同河口湖映襯下嘅富士山啦。

京都嵐山

嵐山集自然景觀同和式古建築物於一身，亦係非常具有人氣嘅賞楓熱點，除咗沿住渡月橋漫步，仲可以睇到天龍寺、常寂光寺、小倉山二尊院等等配上紅葉嘅風景。想有更特別嘅體驗就要一試坐坐「嵐山小火車」，因為無窗戶，可以一邊呼吸山中清新嘅空氣，一邊將保津川嘅紅葉盡收眼底。

韓國

南山公園

首爾塔係韓國遊客必去嘅景點之一，如果係秋天時分去韓國，不妨順便遊覽一下附近既南山公園，沿住南山步道登山，大約步行45分鐘左右就可以到達N首爾塔，沿途都有一大片既紅葉同銀杏比你慢慢欣賞，仲可以俯瞰首爾市區既景色。

南怡島

首爾塔係韓國遊客必去嘅景點之一，如果係秋天時分去韓國，不妨順便遊覽一下附近既南山公園，沿住南山步道登山，大約步行45分鐘左右就可以到達N首爾塔，沿途都有一大片既紅葉同銀杏比你慢慢欣賞，仲可以俯瞰首爾市區既景色。

內藏山

內藏山係韓國八大國家公園之一，橫跨全羅南、北道，坐擁700多種動植物，所以内藏山取名有「山内所藏無窮無盡」之意。由內藏山售票處到內藏寺嘅道路兩旁種滿咗楓樹，隨住時間而漸漸染上紅色，形成一條長長嘅紅葉隧道，係本地人最愛嘅賞楓熱點之一！

台灣

阿里山

位於嘉義縣既阿里山由18座大山組成，面積之大令人為之震撼。阿里山嘅紅葉以台灣三角楓、青楓以及台灣紅榨楓為主，雖然難以睇到紅葉一同綻放嘅壯觀景象，但呢抹紅色融入係阿里山唔同既景色之中，就例如雲海、日落美景等，亦別具一番風味。