立山黑部．淨土上高地．即採即食千曲杏桃．飛驒牛御膳．白川鄉童話．2晚嚴選名湯5天
HKD6,999
JGG5UOA
立山黑部
每年4月，迎來一年一度既立山開山日子，一次過玩盡「立山-黑部」，欣賞20米高「雪の大谷」，親手觸摸震撼雪牆，坐6種不同交通工具跨越立山黑部，將立山連峰同黑部水庫嘅壯麗景色盡收眼底！
立山黑部阿爾卑斯路線
「立山」，橫跨富山縣與長野縣，同日本第一高既「富士山」、第三高既「白山」，合稱「日本三大靈山」。 「立山」唔單單指一座山峰，而係「室堂」、「地獄谷」、「彌陀原」、「立山火山口」等地既廣域地理名。「立山黑部」就係由立山玩到去黑部既最熱門行程路線，全名係「立山黑部阿爾卑斯路線」，連接富山縣同長野縣，全長90公里，其中既「室堂」係成條路線既最高處，標高2,450米！
雪の大谷
每年4月都係立山最熱鬧既一段時間，因為立山又再開山啦！為咗安全起見，立山係冬天會因為大雪而封山。經過漫長嚴冬，立山積落咗層層白雪，臨近春天日本鐵道就會用巨型鏟雪車係積雪中開闢出車道，車道兩邊形成巨型雪牆，先發現積雪竟然可以高達20米！隨住天氣越黎越熱，雪牆慢慢溶化，會越來越「矮」，所以如果要欣賞「雪の大谷」最震撼既一刻，親手觸摸雪牆，一定要趁岩岩開山就親身去感受一下啦！
6種交通方式玩盡立山黑部
據官方資料所講，玩盡成條立山黑部路線大概需要6至8個鐘，非常適合以一日遊形式遊覽。而係每一個停留點之間都需要乘搭唔同既交通工具，包括架空索道、登山纜車、高原巴士、無軌電車等等，用總共6種不同方式跨越立山黑部！ 當中最特別既一定係路線中段來往「大觀峰」同「黑部平」，所乘搭既立山空中纜車，係日本第一長既無支柱空中纜車，長約1,700米，全程大概7分鐘，中途無任何支柱支撐，可以360度無限制欣賞自然景色，有「移動既空中展望台」之稱！而「大觀峰」站標高2,316米，登上屋上展望台更可以睇曬立山連峰同黑部水庫嘅壯麗景色，絕對係阿爾卑斯山脈路線最不能錯過既風景！
黑部水庫
踏入夏季溶雪之後，雖然無得欣賞20米高既雪牆，但立山黑部仍然不失魅力同活力！每逢6月下旬至10月上旬，係「黑部水庫」既「減壓」季節，到時會將2億立方既儲水，以每秒達10 - 15噸既洩洪量盡情釋放出去，營造出場面震撼既難得光景，仲有機會見到彩虹添！ 「黑部水庫」建設係海拔1,500米，水壩高達186米，是日本最大既拱型水壩！第二次世界大戰之後日本經濟快速成長，由於電力不足而建設「黑部水庫」以借水力發電。7年建造過程中總共耗資513億日圓，動員近1,000萬名工作人員，並有171人因為建造工程而殉職。當中無軌電車行走既關電隧道係最艱難既工程，因為呢個區域每秒鐘噴出600公升地下水同大量土石，單單只係挖掘80米已經花費7個月既時間。 登上220層樓梯之後就可以到達水庫展望台，係欣賞黑部水庫既最佳位置，除咗體會到水壩有幾巨大同震撼，仲可以一覽波光潾潾既黑部湖同壯麗既北阿爾卑斯群山風景！
