日本中部.昇龍道攻略

鍾意旅遊嘅你,除左熱門嘅東京、大阪、福岡等地區外,今年會唔會想去個新嘅路線。有無興趣試下「昇龍道」呢?昇龍道係本州中部橫跨9個県「石川、富山、福井、長野、岐阜、滋賀、愛知、靜岡、三重」嘅新興路線。在地圖上將各県的名勝串連,就好似昇龍起飛一樣,再加上北面能登半島形狀有如龍頭,所以就將命名為「昇龍道」。

去昇龍道一般會從關西空港或名古屋空港前往,抵達後一般會乘搭公共交通或自駕遊遊覽週邊地區,當然你亦可以參加旅行團,既方便又快捷,啱晒好似小編呢種旅行懶人。近年亦新增直航金澤小松空港航班,但請留意有季節性,要留意喲!

正所謂去得玩梗係要有得揀,昇龍道橫跨9個県,選擇多只怕你話到煩!其實各個県都有佢地既獨特之處!

【石川県】擁有濃厚的文化氣息,由於二次世界大戰中免於戰火洗禮,因此保留大量江戶時期文物建梨,如金澤兼六園、東茶屋古街等,更可到有金澤廚房之稱嘅近江町市場一嚐肥美甘甜的金澤特產最高級白身魚のど黑(喉黑魚)刺身料理,再到日本三大朝市輪島,順道一遊梯田百選白米千枚田。當然仲一定要去享受擁有千年歷史嘅能登和倉溫泉啦!

【岐阜県】最出名嘅景點,當然係位於與【富山県】交界,有被稱為童話之鄉村嘅合掌村秘景「白川鄉和五箇山」啦,冬季雪景色為童話村更添夢幻感!不容錯過嘅仲有有和牛之王之稱嘅飛驒牛料理,飛驒牛係指在岐阜縣內,經過14個月以上肥育的黑毛和牛,依食用肉等級認證為A或B級,再經事務局認可才能有此稱謂。

【富山県】坐擁海產極豐的富山灣,而在日本海約800種的魚類貝類等海鮮中,有約500種都可以在這裡找到,可謂海味之寶庫,因此能在這裡品嚐到當季最新鮮的魚生、壽司、海鮮料理。

【長野県】與【富山県】之間的阿爾卑斯山脈是著名旅遊路線立山黑部的所在地,每年春季開山後的雪之大谷令人讚嘆,夏季的青爽,秋季的紅楓皆令立山黑部成為你人生必到旅遊點之一。另一個必到之地,有被稱為神降臨之地的上高地,位於貫穿穗高連峰中間的梓川的人間仙境。

【福井県】最令人期待的冬季限定,絕對地首指有冬季美味之王的「越前蟹」。每年11月越前蟹禁捕期解禁後,養尊處優的越前蟹,被漁夫唔會急凍即捕即售,極度生猛。越前蟹蟹肉鮮甜肉厚,蟹膏甘香綿滑,多種食法:灼、烤、火鍋、甲羅燒等,絕對係滿滿滋味。

【愛知県】除左名古屋的鰻魚飯,仲有2017年開幕的主題樂園Legoland Japan,親子玩樂首選,大人更可以去400年歷史日本第一活力商店街之稱「大須觀音寺」參道大買特買。

【三重県】擁伊勢灣地利,海產資源非常豐富,海女更是三重的一種特色文化,目前只剩下南韓和日本仍然可見,海女徒手下潛捕撈海產,遊容可以到佢地經營的海女小屋品嚐即捕即燒海鮮,必食推介名物伊勢龍蝦。另一必到之處莫過於日本三大神社之一伊勢神宮,每年估計超過6百萬人次前來參拜參觀,亦係2016《G7 峰會》迎接各國首腦之地點!

【靜岡県】除左係高達模型產地外,仲係日本國家象徵富士山位處之地,周圍的富士五湖皆是賞富士的極佳之處。之後仲可以到伊豆半島享受海邊露天溫泉。

【滋賀県】整県圍繞日本最大的湖泊琵琶湖,係國際濕地公約的重要濕地。日本名城織田信長的安土城、德川幕府的彥根城豐臣秀吉長浜城的都位於這裡,你可以名城文化巡禮

昇龍道攻略

; ;